خاطرة : ضو فلسطين بلدنا
سكروا الشمس وحبسوا الضو ، ما بدهم إيانا أنشوف شو بعملوا ولا حتى نشوف بعض، كأنه عيونا ما بتشوف إلا الغلط أو أنه مافي شي حولينا إلا الغلط.
بالحيطان حوطوا الضفة وحتى من الجهة للغور سدوها كلها، يمكن الضو بيجي من فوك مش من شرقة وغربة !!!
إحنا ممنوع نمرق بس الخنزير البري والضباع بمرقوا ؛ وحتى النمس والثعلب بمرقوا ؛ مش فارقة مين مرق وما شاف أو مين شاف بس حدن خرسه فقال ما شفت!!!
والقدس سور قبل الحيطة وحيطة جوه الحيطة ، وشعفاط دولة وقلنديا دولة وعقبة فوق العقدة وفار بتشبعط على المعاطة ، وما بتشوف لا شبر ولا متر لو أنك نخلة والا فتر ، مش فارقة حيطان مثل كعكجيبان حلزونة وقلبها الحرم ، وكأنه اللي سارقينوه منا خايفين الأقصى يهرب وإلا الضو يحرق قبابه.
وين بغزة الضو إلنا إلا لوكس جو النفق ؛ وبدهم يهدهوا الأنفاق لتكمل العتمة ؛ وقد ما عتموا البحر هرب السمك ونشف أكله ؛ وحيطان غزة ملولوة من فوق لا تحت بس في فيران بتدخل علينا من النقب ، وكما سحالي وعقارب ؛ وبقولوا أنه العقارب بتعرفش حدود بزوروا بعض من سينا لغزة لسبع العقارب بطش مش سأله لا بالحيطان ولا بالعتمة.
شو ضايل في الضو اللي بالهم سرقوه ؛ وناسيين أنه أول ضو عرفته فلسطين بلدنا كان قطنة وزيت زيتون وشوية كبريت ؛ وزي ما بقولوا الإنجليز فش أقوى من كبريت الغور ، وقالوا الفرنساوية قطن طبرية الأحمر هو أصل قطن العالم ، أما الطليان بقولوا أقوى ضو زيت زيتون رومي من الرملة ؛ بالك ليش راحت الدنيا على العتمة ؛ والعتمة عنا هيي مرت إبليس ، اللي هربت مع الضبع الأسمر وعورتله عين وبالعين التانية تفت ، فصار ما يشوف إلا الشنع ؛ وضله إبليس يراضيها وقبل يطفي ناره ، ويصير متل الهوا لا بنشاف ولا بشوف ، بس برد على العتمة مرته بشو ما بتحكيله ؛ وعشين هيك العتمة أقوى منه وبتسرق أكثر شيء مهم بالدنيا ، الضو اللي بخلينا نشوف ، يعني نشوف الحلو والشنع!!!
بس أستاذ العلوم كان يحكيلنا أنه ممكن نفرقك بين يرى ويشوف ويبصر، وفي بلدنا ميري يعني : فاهم علي. # وشايف يعني : فهمت علي # وأبصر يعني : يمكن ؛ بس البصيرة : أنك تشوف الشغلة جو عقلك من غير عنينك ما تكشعها ؛ واللي شاف وما حكى زي الأعمى مقطوع اللسان.
وإحنا هلقيت بعاد عن بلدنا !!! بس إبعاد، أحنا إبعاد كثير!!! وهما بعدونا وأحنا بعدنا أكثر !!! بس والله ؛ ومن غير ضو شايفينها وكاشعين كل شيء ، ولا عتمة ولا جوزها ببطفوا ضو بلدنا فلسطين ، ضو بلدنا حب بجواب على كل الأسئلة ، ضو بلدنا قوي أقوى من الشمس بخزق العينين وبكشعقه كل عاقل، والله شايفك يا بلدنا وكاشع كل ضوك ؛ وضوك بدفي حب الوطن جواي ، بحبك يا بلدنا بحبك موت يا ضو الدنيا ونور عيني
خالد ابوعدنان
ولدت لاجئا وأحيا مهاجرا
سكروا الشمس وحبسوا الضو ، ما بدهم إيانا أنشوف شو بعملوا ولا حتى نشوف بعض، كأنه عيونا ما بتشوف إلا الغلط أو أنه مافي شي حولينا إلا الغلط.
بالحيطان حوطوا الضفة وحتى من الجهة للغور سدوها كلها، يمكن الضو بيجي من فوك مش من شرقة وغربة !!!
إحنا ممنوع نمرق بس الخنزير البري والضباع بمرقوا ؛ وحتى النمس والثعلب بمرقوا ؛ مش فارقة مين مرق وما شاف أو مين شاف بس حدن خرسه فقال ما شفت!!!
والقدس سور قبل الحيطة وحيطة جوه الحيطة ، وشعفاط دولة وقلنديا دولة وعقبة فوق العقدة وفار بتشبعط على المعاطة ، وما بتشوف لا شبر ولا متر لو أنك نخلة والا فتر ، مش فارقة حيطان مثل كعكجيبان حلزونة وقلبها الحرم ، وكأنه اللي سارقينوه منا خايفين الأقصى يهرب وإلا الضو يحرق قبابه.
وين بغزة الضو إلنا إلا لوكس جو النفق ؛ وبدهم يهدهوا الأنفاق لتكمل العتمة ؛ وقد ما عتموا البحر هرب السمك ونشف أكله ؛ وحيطان غزة ملولوة من فوق لا تحت بس في فيران بتدخل علينا من النقب ، وكما سحالي وعقارب ؛ وبقولوا أنه العقارب بتعرفش حدود بزوروا بعض من سينا لغزة لسبع العقارب بطش مش سأله لا بالحيطان ولا بالعتمة.
شو ضايل في الضو اللي بالهم سرقوه ؛ وناسيين أنه أول ضو عرفته فلسطين بلدنا كان قطنة وزيت زيتون وشوية كبريت ؛ وزي ما بقولوا الإنجليز فش أقوى من كبريت الغور ، وقالوا الفرنساوية قطن طبرية الأحمر هو أصل قطن العالم ، أما الطليان بقولوا أقوى ضو زيت زيتون رومي من الرملة ؛ بالك ليش راحت الدنيا على العتمة ؛ والعتمة عنا هيي مرت إبليس ، اللي هربت مع الضبع الأسمر وعورتله عين وبالعين التانية تفت ، فصار ما يشوف إلا الشنع ؛ وضله إبليس يراضيها وقبل يطفي ناره ، ويصير متل الهوا لا بنشاف ولا بشوف ، بس برد على العتمة مرته بشو ما بتحكيله ؛ وعشين هيك العتمة أقوى منه وبتسرق أكثر شيء مهم بالدنيا ، الضو اللي بخلينا نشوف ، يعني نشوف الحلو والشنع!!!
بس أستاذ العلوم كان يحكيلنا أنه ممكن نفرقك بين يرى ويشوف ويبصر، وفي بلدنا ميري يعني : فاهم علي. # وشايف يعني : فهمت علي # وأبصر يعني : يمكن ؛ بس البصيرة : أنك تشوف الشغلة جو عقلك من غير عنينك ما تكشعها ؛ واللي شاف وما حكى زي الأعمى مقطوع اللسان.
وإحنا هلقيت بعاد عن بلدنا !!! بس إبعاد، أحنا إبعاد كثير!!! وهما بعدونا وأحنا بعدنا أكثر !!! بس والله ؛ ومن غير ضو شايفينها وكاشعين كل شيء ، ولا عتمة ولا جوزها ببطفوا ضو بلدنا فلسطين ، ضو بلدنا حب بجواب على كل الأسئلة ، ضو بلدنا قوي أقوى من الشمس بخزق العينين وبكشعقه كل عاقل، والله شايفك يا بلدنا وكاشع كل ضوك ؛ وضوك بدفي حب الوطن جواي ، بحبك يا بلدنا بحبك موت يا ضو الدنيا ونور عيني
خالد ابوعدنان
ولدت لاجئا وأحيا مهاجرا
No comments:
Post a Comment